---
title: "കേരളത്തിലെ പ്രായം കുറഞ്ഞ അവയവദാതാവായി കുഞ്ഞു ആൽവിൻ ; പത്താം മാസം റോഡപകടത്തിൽ പൊലിഞ്ഞ ആൽവിൻ 5 പേർക്ക് പുതുജീവനേകും"
english_title: "Baby Alvin becomes the youngest organ donor in Kerala; Alvin, who died in a road accident at the age of 10 months, will give new life to 5 people"
publisher: "panoornews.in"
canonical_url: "https://panoor.truevisionnews.com/news/341826/Baby Alvin becomes the youngest organ donor in Kerala; Alvin, who died in a road accident at the age of 10 months, will give new life to 5 people"
published_at: "2026-02-13T18:23:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/698f1ebb2f661_1001106570.jpg"
keywords: []
---

# കേരളത്തിലെ പ്രായം കുറഞ്ഞ അവയവദാതാവായി കുഞ്ഞു ആൽവിൻ ; പത്താം മാസം റോഡപകടത്തിൽ പൊലിഞ്ഞ ആൽവിൻ 5 പേർക്ക് പുതുജീവനേകും

> **Lead Summary:** റോഡപകടത്തിൽ ജീവൻ പൊലിഞ്ഞ 10 മാസം മാത്രം പ്രായമുള്ള ആലിൻ ഷെറിന്‍റെ 5 പേർക്ക് പുതുജീവനേകുമെന്ന് ആരോഗ്യ മന്ത്രി വീണ ജോർജ് അറിയിച്ചു.

## Article Content

റോഡപകടത്തിൽ ജീവൻ പൊലിഞ്ഞ 10 മാസം മാത്രം പ്രായമുള്ള ആലിൻ ഷെറിന്‍റെ 5 പേർക്ക് പുതുജീവനേകുമെന്ന് ആരോഗ്യ മന്ത്രി വീണ ജോർജ് അറിയിച്ചു.

റോഡപകടത്തെ തുടര്‍ന്നാണ് പത്തനംതിട്ട മല്ലപ്പള്ളി സ്വദേശികളുടെ 10 മാസം പ്രായമുള്ള ആലിന്‍ ഷെറിന്‍ എബ്രഹാമിന് മസ്തിഷ്ക മരണം സംഭവിച്ചത്.

കുട്ടിയുടെ മാതാപിതാക്കള്‍ അവയവദാനത്തിന് സന്നദ്ധത അറിയിക്കുകയായിരുന്നുവെന്ന് മന്ത്രി പറഞ്ഞു. സംസ്ഥാനത്ത ഏറ്റവും പ്രായം കുറഞ്ഞ അവയവദാതാവ് ആണ് ആലിന്‍ ഷെറിന്‍.

വേർപാടിന്‍റെ വേദനയിലും 10 മാസമുള്ള ഒരു മകളുടെ അവയവങ്ങള്‍ മാതാപിതാക്കൾ മറ്റുള്ളവര്‍ക്ക് ദാനം ചെയ്യുകയാണ്. വൃക്കയും, കരളും, ഹൃദയ വാൽവുകളുമാണ് ദാനം ചെയ്യുന്നത്. കൊച്ചിയിൽ നിന്നും റോഡ് മാർഗം അവയവങ്ങൾ തിരുവനന്തപുരത്ത് എത്തിക്കുമെന്നും തീവ്രദു:ഖത്തിലും മറ്റുള്ളവരുടെ ജീവന്‍ നിലനിര്‍ത്തുന്നതിന് വേണ്ടി മാതാപിതാക്കള്‍ എടുത്ത തീരുമാനത്തിന് നന്ദി അറിയിക്കുന്നുവെന്ന് മന്ത്രി ഫേസ്ബുക്കിൽ കുറിച്ചു.

കുടുംബത്തിന്റെ ദു:ഖത്തില്‍ പങ്കുചേരുന്നുവെന്നും മന്ത്രി പറഞ്ഞു. ആലിന്‍ ഷെറിന്‍റെ 2 വൃക്കകള്‍ തിരുവനന്തപുരം മെഡിക്കല്‍ കോളേജ് എസ്.എ.ടി. ആശുപത്രിയില്‍ ചികിത്സയിലുള്ള 10 വയസുള്ള കുട്ടിക്ക് നല്‍കും.

### Related Links & Sources
- [Original Story Source](https://panoor.truevisionnews.com/news/341826/Baby Alvin becomes the youngest organ donor in Kerala; Alvin, who died in a road accident at the age of 10 months, will give new life to 5 people)